Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle a cadenza settimanale, ogni venerdì, con la vostra Patti Fox.
Per ricevere una notifica quando esce un nuovo episodio, iscrivetevi al podcast “Li stiddi di Patti Fox”.
Ma cosa ricinu li stiddi sta simana? 4-10 Maiu 2024
Ariete
Arieti mia, sta simana cu Veneri in Toru e Marti in Arieti aviti a pinzari sulu, e quannu ricu sulu, significa sulu, a travagghiu, sordi e prugetti: v’aviti arriminari, u capistivu? “Si nun fussi pi stu jiri e stu viniri, nu spassu mi parissi lu caminari!”. Addivirtitivi cu Vergini, Scurpiuna e Acquari e ni sti setti jorna ascutati “Muoviti Muoviti”, na canzuni di Jovanotti.
Amuri 9; Travagghiu 10; Furtuna 10
Toro
Tori di lu me cori, la simana passata vi cataminastivu tropp’assai nto travagghiu; nni chìsta, circati di canziàri li sordi ntò casciùni e ‘un faciti nenti: vi l’addumannu pi favuri. Nt’amuri, mmeci, annacativi. “A jatta priscialora fici i figghi orvi”. Addivirtitivi cu Cancri e Liuna e ni sti setti jorna ascutati “Ci vuole calma e sangue freddo”, na canzuni di Luca Dirisio.
Amuri 9; Travagghiu 9; Furtuna 9
Gemelli
Gemelli beddi, sta simana la trasuta di Marti nt’Arieti na cosa sula significa: pigghiari la vita cu filusufia e taliari ‘nnavànti accussì nto travagghiu e nt’amuri ci putiti allianàri. “Nun disprizzari omu sutta cappa nè fimmina sutta strazza”. Addivirtitivi cu Bilancie e Sagittari e ni sti setti jorna ascutati “Vita”, na canzuni di Lucio Dalla e Gianni Morandi.
Amuri 8; Travagghiu 9; Furtuna 10
Cancro
Cancri amurusi, sta simana siti tanticchiedda sciarrieri puru cu ccù ‘un va fattu nenti. Allura, pigghiati sciatu e cuminciati arrèri. Stavota, però, vi vògghiu duci comu u meli e cu un surrisu c’ava a fari ririri puru li petri, sia nt’amuri, sia nto travagghiu. “Ci rissi ‘u surci ‘a nuci: “Dammi tempu ca ti perciu” . Addivirtitivi cu Liuna, Vergini e Scurpiuna e ni setti jorna ascutati “Rolls Royce”, na canzuni di Achille Lauro .
Amuri 8; Travagghiu 8; Furtuna 10
Leone
Cari li me Liuna, sta simana ‘mmeci ca li re di la furesta, mi pariti gattarieddi scantati. Lu me cunsigghiu è di ittari na vuciata e na vota arripigghiati, spasciati cu chiddi ca vi vònnu teneri fòra di li jochi, sia nt’amuri comu nto travagghiu. “P’un curnuti, un curnutu e mienzu”. Addivirtitivi cu Scurpiuni, Sagittari, Capricorna e Pisci e ni sti setti jorna ascutati “Figlia di…”, na canzuni di Loredana Bertè.
Amuri 9; Travagghiu 9; Furtuna 8
Vergine
Vergini sapuriti, sta simana li stiddi vi pòrtanu beddi novità nt’amuri e nto travagghiu. Quannu di precisu? Ma ni la simanata, chi dumanna è! Chidda ca vi fazzu ia, ‘mmeci, è, ma ci siti o ci faciti? “I babbi di stu munnu sunnu tri: cu accatta carni cu l’ossu cu frisca o sceccu ppi biviri e cu preia a mugghieri ppi mangiari. Chiffà, ‘un sapiti cucinari?” Addivirtitivi cu Tori, Gemelli e Capricorna e ni sti setti jorna ascutati “Non succederà più”, na canzuni di Claudia Mori cu Adriano Celentano.
Amuri 8; Travagghiu 9; Furtuna 10
Bilancia
Bilancie mia, sta simana siti pronti a ‘un dari saziu a nuddu? Allura, travagghiati a l’ammucciuni di li colleghi supra n’idea ca vi camina nta testa d’assai e nt’amuri stati attenti a cu dici na cosa, ma ni penza n’autra. “La gramigna ‘un sicca mai”. Addivirtitivi cu Tori, Acquari e Pisci e ni sti setti jorna ascutati “Memo”, na canzuni di Levante.
Amuri 7; Travagghiu 9; Furtuna 10
Scorpione
Scurpiuna beddi, sta simana siti pronti a battagghiari? Tranquilli, ca vinciti facile. Nto travagghiu, vi talierannu cu ’mmidia, mentri nt’amuri, suspirannu. “L`amuri tannu è beddu, quannu è un pocu stizzateddu”. Addivirtitivi cu Vergini, Capricorna e Acquari e ni sti setti jorna ascutati “Se telefonando”, na canzuni di Mina.
Amuri 10; Travagghiu 10; Furtuna 10
Sagittario
Sagittari di lu me cori, sta simana Marti vi saluta, era ura, e putiti arricriarivi, ririri e babbiari cu l’amici, sulu cu l’amici, picchì, nto travagghiu, cu lo vostro trippu, fugattiati cu v’avvicina e nt’amuri vi pigghianu pi farfalluni. “Pi canusciri ‘n’amicu riali, si cci avi a manciari ‘na sarma di sali”. Addivirtitivi cu Tori, Cancri, Vergini, Bilancie e Scurpiuna e ni sti setti jorna ascutati “Che vita meravigliosa”, na canzuni di Diodato.
Amuri 9; Travagghiu 9; Fortuna 8
Capricorno
Capricorna amurusi, quannu vuliti, sta simana Marti ‘un vi lassa ancora in paci e po fari scoppiari na cavalleria rusticana nto travagghiu e puru nt’amuri. Vuatri vi sintiti comu a cumpari Turiddu, però tranquilli, arristati vivi e vegeti. “Vòliri la vutti china e la mugghieri ‘mmriaca”. Addivirtitivi cu Arieti, Gemelli e Sagittari e ni sti setti jorna ascutati “Minuetto”, na canzuni di Mia Martini.
Amuri 7; Travagghiu 7; Furtuna 7
Acquario
Acquari addumanneri, sta simana siti perfetti pi fari paroli e nenti fatti. Stamu attenti, stati facennu la cosa iusta tantu ca nto travagghiu vi talianu mancu fussivu nu santuni e nt’amuri tutti dipenni da cu capitati: pi quarcunu siti profumu persistenti, pi quarcun’autru, ‘mmeci, girati la strata e scumpariti“. “Ammatula ca t’allisci e fa cannola, ‘u santu è di mammuru e nun sura”. Addivirtitivi cu Tori e Cancri e ni sti setti jorna ascutati “Ancora tu”, na canzuni di Lucio Battisti.
Amuri 8; Travagghiu 10; Furtuna 10
Pesci
Cari Pisci amurusi, sta simana tuttu lu munnu vi duna ascutu: nto travagghiu siti li capi amati e arrispittati; nt’amuri l’oggettu di lu desideriu. ‘Nsumma, aviti lu papacchiu nn’a sacchetta. “L’omu senza furtuna, va sempri a la piduna”. Addivirtitivi cu Liuna, Vergini, Scurpiuna e Acquari e ni sti setti jorna ascutati “Fortuna”, na canzuni di Ghali.
Amuri 9; Travagghiu 9; Furtuna 10
