Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle a cadenza settimanale, ogni venerdì, con la vostra Patti Fox.
Per ricevere una notifica quando esce un nuovo episodio, iscrivetevi al podcast “Li stiddi di Patti Fox”.
Ma cosa ricinu li stiddi sta simana? 20/26 aprili 2024
Ariete
Arieti beddi, sta simana ci su granni cosi all’urizzunti. L’amuri pi li zitati e li maritati è comu un mari abbunazzatu, ma pi chiddi ca su schietti, e hannu u spinnu di ‘ncuntrari quarchedunu, la pisca è abbunnanti. Vitturiusu è lu travagghiu. “Ogni calata, un purpu”. Addivirtitivi cu Tori, Vergini e Pisci e ni sti setti jorna ascutati “Il Pescatore”, na canzuni di Fabrizio De Andrè”.
Amuri 10; Travagghiu 10; Furtuna 10
Toro
Tori di lu me cori, chista simana è veramenti bona. Faciti beddi acchiappanzi e passati di na festa a n’autra. L’amuri, ni stu mumentu, è a purtata di manu e lu travagghiu è ggià nti vostri manu. “Quannu lu ferru è caudu, si stira”. Addivirtitivi cu Liuna e Acquari e ni sti setti jorna ascutati “C’è Tempo”, na canzuni di Ivano Fossati.
Amuri 9; Travagghiu 9; Furtuna 10
Gemelli
Cari li me Gemelli, sta simana mi pariti Einstein pi tutti li pinzati ca ‘nsirtati. Nto travagghiu uncinnè pi nuddu e nt’amuri siti re, riggina o tutti li dui. “Rintra comu na addina e fora comu na riggina”. Addivirtitivi cu Cancri, Vergini e Scurpiuna e ni sti setti jorna ascutati “Fiore di maggio”, na canzuni di Fabio Concato.
Amuri 9; Travagghiu 9; Furtuna 9
Cancro
Cancri mia, sta simana ‘un sulu vi sintiti, ma siti forti ed ecco picchì tuttu chiddu ca faciti ‘un po’ chi iri bbonu. Travagghiu e amuri vi su cumpagni fideli e li stiddi vi ricinu di pinzari sulu a cosi beddi. “Lu muttu anticu è lu vangelu nicu”. Addivirtitivi cu Arieti, Liuna e Vergini e ni sti setti jorna ascutati “Che sogno incredibile”, na canzuni di Loredana Bertè ed Emma.
Amuri 8; Travagghiu 8; Furtuna 10
Leone
Liuna sapuriti, sta simana siti pazziceddi. Puru si vuliti canusciri mezzu munnu, li cumpagni di vita puonnu stari tranquilli? Fòra la virità, stu disìu di nuvità è sulu nto travagghiu o puru nt’amuri? “L’amuri è un focu ca abbruscia, ma sulu si si tene addumatu”. Addivirtitivi cu Arieti, Gemelli Sagittari, Scurpiuna e Pisci e ni sti setti jorna ascutati la “Carmen”, cantata di Sarafine.
Amuri 9; Travagghiu 9; Furtuna 8
Vergine
Vergini preciseddi, sta simana faciti opre di carità: siti duci cu tutti, ascutati e dati cunsigghi. Chi vi successi? Addivintastivu Matri Teresa di Calcutta? Nto travagghiu siti tutti surrisi e boni parole, nt’amuri, angiluzzi. “Lu Signuri senti l’angiuli cantari e ‘un senti li scecchi ragliari!” Addivirtitivi cu Tori, Sagittari e Pisci e ni sti setti jorna, pi ristari ‘n tema, ascutati “Se io fossi un angelo”, na canzuni di Lucio Dalla.
Amuri 8; Travagghiu 9; Furtuna 8
Bilancia
Bilancie di lu me cori, sta simana ‘un faciti nenti pi farivi amici e, ‘nfatti, ‘un vi tullira nuddu. Nto travagghiu siti na camurria e nt’amuri fastidiusi comu li muschi. “A squagghiata ra nivi si virunu i pirtusa”. Addivirtitivi cu Arieti, Tori, Gemelli e Pisci e ni sti setti jorna ascutati “Nuntereggae più ”, na canzuni di Rino Gaetano.
Amuri 6; Travagghiu 6; Furtuna 7
Scorpione
Scurpiuna beddi, sta simana arricugghiti a tinchitè sia nto travagghiu, ca nt’amuri. Certu, a chiddi ca vi stannu vicini si li mancia la ‘mmidia, ma a vuatri chi vi ‘nteressa? “Amuri e amicizia pi scopu: dura pocu”. Addivirtitivi cu Cancri, Liuna e Capricorna e ni sti setti jorna ascutati “Altrove”, na canzuni di Morgan.
Amuri 9; Travagghiu 9; Furtuna 9
Sagittario
Sagittari mia, sta simana vuliti canciari tutti cosi: travagghiu, amuri e amici. Chi vi successi? Sicunnu mia aviti sulu la luna torta. La cosa certa è ca, cuntinuannu accussì, a vòlirivi canciari sarannu l’autri. “Amici di salutu sunnu tanti, ma amici di cori picca e nenti”. Addivirtitivi cu Arieti e Scurpiuna e ni sti setti jorna ascutati “Dillo alla luna”, na canzuni di Vasco Rossi.
Amuri 6; Travagghiu 6; Fortuna 7
Capricorno
Cari li me Capricorna, sta simana comu siti scucivuli. ‘Un vuliti viriri a nuddu sia nto travagghiu, sia nt’amuri. Unn’è ca vi sintiti tropp’assai? Calati li sciusci.“A superbia partiu a cavaddu e turnò a peri”. Addivirtitivi cu Tori, Cancri, Liuna e Pisci e ni sti setti jorna ascutati “Me ne frego”, na canzuni di Achille Lauro.
Amuri 6; Travagghiu 6; Furtuna 6
Acquario
Acquari sapuriti, sta simana siti l’Etna, un vurcanu: una ni pinzati e centu ni faciti. Pi fortuna tuttu stu cataminiarisi è nto travagghiu, Nt’amuri, ‘mmeci, siti pasti di meli. “Gira, vota e furria”. Addivirtitivi cu Arieti, Sagittari e Pisci e ni sti setti jorna ascutati “Buon viaggio”, na canzuni di Cesare Cremonini.
Amuri 10; Travagghiu 8; Furtuna 9
Pesci
Pisci amurusi, sta simana la bona sorti v’accumpagna: vuliti la luna, vuliti lu suli, vuliti na stidda, ca nuddu canusci, li putiti aviri, ma iddi l’hannu a capiri. Dumannati e ‘un vi scantati. “Quannu la lingua voli parrari, prima a lu cori ava a dumannari”. Addivirtitivi cu Tori Cancri, Bilancie e Sagittari e ni sti setti jorna ascutati “Insieme a te non ci sto più”, na canzuni di Caterina Caselli.
Amuri 10; Travagghiu 10; Furtuna 10
