Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle a cadenza settimanale, ogni venerdì, con la vostra Patti Fox.
Per ricevere una notifica quando esce un nuovo episodio, iscrivetevi al podcast “Li stiddi di Patti Fox”. Vi auguriamo “Buona festa delle donne” con le canzoni interamente dedicate a voi, e che l’8 marzo sia ogni giorno dell’anno.
Ma cosa ricinu li stiddi sta simana? 8/ 14 marzu 2024
Ariete
Cari Arieti, sta prima simana di marzu accumincia cu na bedda furtuna sia nt’amuri, ca ntu travagghiu. Li signurine e li signurini sùnnu ammizzigghiati: ammuccàmu. “Centanni d’amuri e nu minutu di sdegnu”. Addivirtitivi cu Liuna, Sagittari e Capricorna e ni sti setti jorna ascutati “Donne”, na canzuni di Zucchero.
Amuri 9 ; Travagghiu 9; Furtuna 10
Toro
Cari Tori, sta simana siti abbacchiati picchì l’amuri vi fa trubbulari e ntu travagghiu vugghi quarcosa, ma, però, nun sapiti cosa. “Mègghiu dulùri di sacchetta ca dulùri di còri”. Addivirtitivi cu Gemelli e Pisci e ni sti setti jorna ascutati “Una donna per amico”, na canzuni di Lucio Battisti.
Amuri 7; Travagghiu 7; Furtuna 7
Gemelli
Cari Gemelli, sta simana siti cuntenti di firriari pi travagghiu e di essiri surgìva d’amuri.
“Cu bbònu si sarva bbònu s’attruva”. Addivirtitivi cu Tori, Scurpiuna e Capricorna e ni sti setti jorna ascutati “Le donne lo sanno”, na canzuni di Ligabue.
Amuri 10 ; Travagghiu 10; Furtuna 10
Cancro
Cari Cancri, sta simana aviti nu beddu cèlu. Granni disìu d’amuri e granni cugghiùta nto travagghiu. “Dòrmiri cu la mànu a la mascìdda”. Addivirtitivi cu Sagittari, Pisci e Bilancie e ni sti setti jorna ascutati “Quello che le donne non dicono”, na canzuni di Fiorella Mannoia.
Amuri 9; Travagghiu 10; Furtuna 9
Leone
Cari Liuna, sta simana, chi patimenti di cori. Lassati perdiri cu nun vi merita e pinzati sulu a lu travagghiu, ca veru bbònu è. “A la fèra vàcci e ntà chiàzza stacci”. Addivirtitivi cu Arieti, Sagittari e Scurpiuna e ni sti setti jorna ascutati “Sally”, na canzuni di Vasco Rossi.
Amuri 6; Travagghiu 9; Furtuna 7
Vergine
Cari Vergini, sta simana siti abbuttàti, mmeci aviti a essiri “còcciu di tacca” nto travagghiu e “Triricino ammisca ‘misca” nt’amuri. “Lu zùccaru nun guàsta bivànna”. Addivirtitivi cu Bilancie e Acquari e ni sti setti jorna ascutati “Donna”, na canzuni di Mia Martini.
Amuri 7; Travagghiu 8; Furtuna 7
Bilancia
Cari Bilancie, sta simana l’amuri è nu veru spassu, lu travagghiu è tempu persu.
“Cu avi i manu friddi è ‘nnamuratu, cu l’avi cauri è ‘ngarzatu”. Addivirtitivi cu Cancri, Vergini e Acquari e ni sti setti jorna ascutati “Sei bellissima”, na canzuni di Loredana Berté.
Amuri 10; Travagghiu 6; Furtuna 7
Scorpione
Cari Scurpiuna, sta simana aviti la testa anticchia ‘nturciuniàta di pinsèri ma, m’avìti a crìdiri, su sulu filìnia di lu passatu.
Taliàti avanti picchì la furtuna v’arrìdi. “Cori forti cunsuma la cattiva sorti”.
Addivirtitivi cu Gemelli e Liuna e ni sti setti jorna ascutati ”il talento delle donne”, na canzuni di Ivano Fossati.
Amuri 8; Travagghiu 8; Furtuna 10
Sagittario
Cari Sagittari, picchì sta simana aviti la cardacìa? Abbacativi, travagghiati, ‘nnamurativi e ‘un fati li pillicùsi.
“La pignata taliàta ‘un vùgghi mai”. Addivirtitivi cu Arieti, Cancri e Liuna e ni sti setti jorna ascutati “Gesù Cristo sono io”, na canzuni di Levante.
Amuri 8; Travagghiu 7; Fortuna 7
Capricorno
Cari Capricorna, sta simana arricugghiti a tinchité nto travagghiu e, ancora chiossài, nt’amuri. “Cu li sordi ‘ntasca è sempri Natali e Pasqua”. Addivirtitivi cu Arieti e Gemelli e ni sti setti jorna ascutati “Malamuri”, na canzuni di Olivia Sellerio.
Amuri 10; Travagghiu 10; Furtuna 10
Acquario
Cari Acquari, sta simana, ma comu v’allattarìàti. Aviti raggìuni, picchì li stiddi vi scùncicanu: travagghiu e amuri su suttu lu suli. “Cu avi amuri a lu còri avi li spiruna a li cianchi”. Addivirtitivi cu Vergini e Bilancie e ni sti setti jorna ascutati “La signora del quinto piano”, na canzuni di Carmen Consoli.
Amuri 10; Travagghiu 10; Furtuna 10
Pesci
Cari Pisci, sta simana la furtuna vi vasa, v’abbrazza e ‘un vi lassa. Lu travaggiu è chinu di prumissi, l’amuri vi rigala nuvità. “Cu’ pò nun vò, cu’ vò nun pò, cu’ fa nun sa, cu’ sa nun fa, e ‘cussì tuttu lu munnu va”. Addivirtitivi cu Tori e Cancri e ni sti setti jorna ascutati “Io di te non ho paura”, na canzuni di Emma.
Amuri 10; Travagghiu 10; Furtuna 10
