Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle a cadenza settimanale, ogni venerdì, con la vostra Patti Fox.
Per ricevere una notifica quando esce un nuovo episodio, iscrivetevi al podcast “Li stiddi di Patti Fox”.
Ma cosa ricinu li stiddi sta simana? 22/ 28 marzu 2024
Ariete
Arieti beddi, sta simana aviti iurnate di sbagnàri tanta è la furtuna ca v’accumpagna. Vuàtri, oravà, siti tutti priati: l’amuri canta e lu travagghiu sona. Mizzica. “Ccì dissi lu sùrci a la nùci: dàmmi tempu cà ti spirtùsu”. Addivirtitivi cu Tori e Cancri e ni sti setti jorna ascutati “Salirò”, na canzuni di Daniele Silvestri.
Amuri 10; Travagghiu 10; Furtuna 10
Toro
Tori di lu me cori, sta simana c’è quarchi stidda ca pi currìvu vi scuzzula nt’amuri. Lu travagghiu è abbonè abbonè. Accuntitativi, picchì lu bon tempu arriva lestu. “Cull’amici e cu li parenti nun ci accattàri e nun ci vìnniri nènti”. Addivirtitivi cu Scurpiuna e Acquari e ni sti setti jorna ascutati “E la vita, la vita”, na canzuni di Cochi e Renato.
Amuri 6; Travagghiu 7; Furtuna 8
Gemelli
Gemelli amurusi, sta simana taliati lu cèlu e parrati cu li stiddi ca troppi cosi v’hannu a diri e tutti beddi e ‘mpurtanti. “Cu pècura si fa, lupu si la mancia”. Addivirtitivi cu Cancri, Vergini e ni sti setti jorna ascutati “Via con me”, na canzuni di Paolo Conte.
Amuri 9; Travagghiu 9; Furtuna 9
Cancro
Cancri mia, sta simana circati di nesciri cu genti allegri ca virinu la vita china di culura e la fannu viriri accussì puru a vuàtri. Amuri e travagghiu vi li raccumannu. “Megghiu n’amicu nta chiazza cà cent’unzi nta la sacchetta”. Addivirtitivi cu Liuna, Bilancie e Capricorna e ni sti setti jorna ascutati “Freak”, na canzuni di Samuele Bersani.
Amuri 9; Travagghiu 9; Furtuna 10
Leone
Liuna beddi, sta simana nuddu vi ferma e a cu lu vulissi fari, nisciti l’ugna e lu scunzati. Lassàtili perdiri, ascutatimi, ca è la megghiu cosa. “’Mmurdi sòdu e va cantànnu”. Addivirtitivi cu Arieti, Liuna, Capricorna e Pisci e ni sti setti jorna ascutati “Disperato erotico stomp”, na canzuni di Lucio Dalla.
Amuri 8; Travagghiu 8; Furtuna 8
Vergine
Vergini mia, sta simana arricriativi a fari vucciria e circati di nun essiri na camurria. Si m’ascutati amuri e travagghiu l’azziccati. “Quannu la furtuna vòli, la casa la sàpi”. Addivirtitivi cu Arieti, Tori, Gemelli e Acquari e ni sti setti jorna ascutati “Luna”, na canzuni di Gianni Togni.
Amuri 8; Travagghiu 8; Furtuna 9
Bilancia
Bilancie di lu me cori, sta simana ittativi e nun scantativi picchì li stiddi su ammanziti.
Amuri e travagghiu sunnu ‘ncucciàti. “L’omu arrisicusu è furtunatu”
Addivirtitivi cu Tori, Virgini e Acquari e ni sti setti jorna ascutati “Fuori dal Tunnel”, na canzuni di Caparezza.
Amuri 9; Travagghiu 9; Furtuna 10
Scorpione
Scurpiuna sapuriti, sta simana siti palummeddi duci ca, però, botta ri sali, puncinu. Picchì, è la dumanna? Bedda Matri, carmativi e arriditi. “Ama a cu t’ama, rispunni a cu’ ti chiama”. Addivirtitivi cu Gemelli e Sagittari e ni sti setti jorna ascutati “Per colpa di chi” na canzuni di Zucchero.
Amuri 8; Travagghiu 8; Furtuna 8
Sagittario
Sagittari mia, sta simana armativi e partiti. V’aviti a sbrazzari pi arrinesciri nto travagghiu e, puru, nt’amuri.
“Biddizza senza grazia è comu l’isca senz’ami”
Addivirtitivi cu Vergini e Bilancie e ni sti setti jorna ascutati “Vengo anch’io, no tu no”, na canzuni di Enzo Jannacci.
Amuri 8; Travagghiu 8; Fortuna 8
Capricorno
Capricorna beddi, sta simana nzocc’aviti? Nuddu è di nuddu, ma accussì facennu, arristati senza nenti.
Vi cummeni? “Munti e munti ‘un s`incontranu mà”. Addivirtitivi cu Gemelli e Vergini e ni sti setti jorna ascutati “50 special”, na canzuni di li Lunapop.
Amuri 6; Travagghiu 7; Furtuna 8
Acquario
Acquari di lu me cori, sta simana chi cosa passa la via? Biddizza, amuri e simpatia. Lu travagghiu, cchiu bbonu di com’è ‘un putissi esseri.
“La nostra casa n`abbrazza e ni vasa”. Addivirtitivi cu Arieti, Liuna e Capricorna e ni sti setti jorna ascutati “Ragazzo fortunato”, na canzuni di Jovanotti.
Amuri 10; Travagghiu 10; Furtuna 10
Pesci
Pisci beddi sta simana, puru si dittati liggi, siti zuccaru e meli e tutti v’ascutanu. L’amuri vi disia e lu travagghiu è precisu comu n’orologiu. “U suli quannu affaccia, affaccia pi tutti”. Addivirtitivi cu Bilancie, Capricorna e Pisci e ni sti setti jorna ascutati “La felicità”, na canzuni di Simona Molinari.
Amuri 10; Travagghiu 10; Furtuna 10
