Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle a cadenza settimanale, ogni venerdì, con la vostra Patti Fox.
Per ricevere una notifica quando esce un nuovo episodio, iscrivetevi al podcast “Li stiddi di Patti Fox”.
Ma cosa ricinu li stiddi sta simana? 27 Aprili – 3 Maiu 2024
Buon Primo Maggio!
Ariete
Arieti di lu me cori, sta simana tuttu chiddu ca vi succedi vi pari maravigghiusu. Veru è: nto travagghiu stati guadagnannu terrenu, jornu dopo jornu, e nt’amuri, ‘un faciti chi pinzari a lu futuru cu ccù aviti nto cori. “A casa, senz’a fimmina, ‘mpuvirisci”. Addivirtitivi cu Tori, Scurpiuna e Acquari e ni sti setti jorna ascutati “Ancora”, na canzuni di Eduardo De Crescenzo…
Amuri 10; Travagghiu 9; Furtuna 10
Toro
Tori beddi, sta simana aviti a circari di stari ‘o vostru postu nto tarvagghiu e, puru, nt’amuri. Pari ca avissivu li murriti. “Li sordi di lu ‘nfinfirinfì si li mancia lu ‘nfinfirinfà”. Addivirtitivi cu Vergini e Bilancie e ni sti setti jorna ascutati “Soldi”, na canzuni di Renato Zero.
Amuri 7; Travagghiu7; Furtuna 7
Gemelli
Gemelli mia, sta simana siti vugghiusi di canciari, aviti comu na rivoluziuni ca vi nasci rintra, pi furtuna sulu nto travagghiu, sinnò li cumpagni di vita s’avissiru a scantari. “Acqua ca duna a tanti vadduni a mari ‘un ci arriva”. Addivirtitivi cu Arieti e Tori e ni sti setti jorna ascutati “La storia siamo noi”, na canzuni di Francesco De Gregori.
Amuri 8; Travagghiu 8; Furtuna 9
Cancro
Cari li me Cancri, sta simana viriti l’amuri ‘unnegghiè, ma accussì rati troppu picca ‘o travagghiu. A tisticedda l’aviti supra i nùvuli e siti tutti priati, megghiu accussì. “Assai beni balla, l’omu ca furtuna sona”. Addivirtitivi cu Liuna e Scurpiuna e ni setti jorna ascutati “Nuvole e lenzuola”, na canzuni di li Negramaro.
Amuri 9; Travagghiu 7; Furtuna 10
Leone
Liuna amurusi, sta simana avissivu a pinzari a manciari tanticchiedda menu, picchì appena finiti lu vuccuni, vinni pintiti. Dui su li cosi, o vinni futtuti e v’arricriati o riciti basta a sta fami nirvusa. Puru lu travagghu e l’amuri dipinninu ri sta cosa. “Carni fa carni, pani fa panza, vinu fa danza ”. Addivirtitivi cu Capricorna e Pisci e ni sti setti jorna ascutati “Voglio vederti danzare”, na canzuni di Franco Battiato.
Amuri 7; Travagghiu7; Furtuna 8
Vergine
Vergini beddi, sta simana aviti li chiavi r’u munnu nti manu e arrinisciti nzocca vuliti: travagghiu, amuri, divertimenti. ‘Un mittiti, però, troppu sali nta pasta. “Beatu cui cu li ricchizzi avi ciriveddu”. Addivirtitivi cu Arieti, Cancri, Tori e Acquari e ni sti setti jorna ascutati “Prima di partire per un lungo viaggio”, na canzuni di Irene Grandi.
Amuri 10; Travagghiu 10; Furtuna 10
Bilancia
Bilancie di lu me cori, sta simana aviti pacienzia e ‘un sapiti comu sta cosa veni vista bonu nto travagghiu. L’amuri ’nzirta na surprisa ca vi fa arristari alluccuti. “Cu la prudenza, lu munnu si vinci”. Addivirtitivi cu Cancri e Vergini e ni sti setti jorna ascutati “E scopro cos’è la felicità ”, na canzuni di Elisa.
Amuri 9; Travagghiu 9; Furtuna 9
Scorpione
Scurpiuna beddi, sta simana siti ‘nsuffibbrili e lu capieru tutti. Nto travagghi ‘un virinu l’ura ca passa lu tempu p’un avirivi tra li peri; nt’amuri vi vulissivu sempri a travagghiari pi lu stessu motivu. “Spassu di strata e triulu di casa”. Addivirtitivi cu li Pisci, l’unicu signu ca vi supporta, e ni sti setti jorna ascutati “Noia mortale”, na canzuni di Colapesce e Dimartino.
Amuri 6; Travagghiu 6; Furtuna 6
Sagittario
Sagittari mia, sta simana aviti tri pinzeri fissi: amici, amuri e pi ccù ‘un l’avi, truvallu. Di travagghiu ‘un ni vuliti e faciti lu strittu nicissariu.“Santa lagnusia, `un m`abbannunati chi mancu speru d’abbannunari ia”. Addivirtitivi cu Arieti, Scurpiuna e Acquari e ni sti setti jorna ascutati “Dolce far niente”, na canzuni di Jovanotti.
Amuri 10; Travagghiu 6; Fortuna 8
Capricorno
Cari li me Capricorna, sta simana lu passatu torna e ‘un vi lassa ‘ndifferenti. Sta cosa vi turmenta picchì ‘un ci pinsavavu cchiù. L’amuri, anzi lu ricordu di chiddu ca fu, ‘un vi fa stari sereni mancu nto travagghiu. “Cu prima ‘un pensa, appressu suspira”. Addivirtitivi cu Gemelli, Scurpiuna e Pisci e ni sti setti jorna ascutati “Se io Se lei”, na canzuni di Biagio Antonacci.
Amuri 6; Travagghiu 6; Furtuna 6
Acquario
Acquari sapuriti, sta simana aviti tanti ‘ncontri ca ponnu iri beni si vuatri, però, ‘un li pigghiatu sutta gamma. Aviti a sturiari e metterivi d’impegnu. L’amuri, bedda matri, pi na simana lassatilu perdiri. Cu voli capiri, capisci. “U guaragnu fa passari tutti li stanchizzi”. Addivirtitivi cu Tori, Scurpiuna e Pisci e ni sti setti jorna ascutati “Apnea”, na canzuni di Emma.
Amuri 7; Travagghiu 8; Furtuna 10
Pesci
Pisci amurusi, sta simana ‘un vuliti sulu farivi apprizzari, ma arrispittari pi chiddu ca faciti nto travagghiu e, puru, nt’amuri. Ni stu mumentu vuliti riciviri, ‘un sulu dari. “I chiacchiri su’ chiacchiri, ma ‘a putiara voli puru i picciuli”. Addivirtitivi cu Tori Cancri, Bilancie e Sagittari e ni sti setti jorna ascutati “Potremmo ritornare”, na canzuni di Tiziano Ferro.
Amuri 8; Travagghiu 9; Furtuna 10
