Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle a cadenza settimanale, ogni venerdì, con la vostra Patti Fox.
Per ricevere una notifica quando esce un nuovo episodio, iscrivetevi al podcast “Li stiddi di Patti Fox”.
Ma cosa ricinu li stiddi sta simana? 18- 24 Maiu 2024
Ariete
Arieti di lu me cori, sta simana aviti Marti ca vi teni cumpagnia e siti battaglieri nto travagghiu e, puru, nt’amuri. Tutti vi talianu comu si fussivu li capi assoluti e sta cosa vi fa priari, macari troppu. “Iùnciti cu lu megghiu e perdicci li spisi”. Addivirtitivi cu Liuna, Vergini e Scurpiuna e ni sti setti jorna ascutati “Click Boom”, na canzuni di Rose Villain.
Amuri 9; Travagghiu 10; Furtuna 10
Toro
Tori beddi, sta simana chistu è lu cunsigghiu: “Lu veru amuri, e ci aiunciu lu travagghiu ca è fattu pi tia, talianu ni la stissa latata. Sulu accussì li cosi ponnu iri boni pi daveru. “Si ad ogni cani chi abbaia ci vò tirari `na petra `un t`arrestanu vrazza”. Addivirtitivi cu Gemelli, Bilancie, Sagittari, Capricorna e Pisci, mizzichina quantu n’aviti, e ni sti setti jorna ascutati “L’amore in bocca”, na canzuni di li Santi Francesi.
Amuri 10; Travagghiu 9; Furtuna 10
Gemelli
Gemelli mia, sta simana aviti un saccu di pianeti ni lu Toru, chistu assignifica ca è nuiusedda, ma bunaredda. ‘Nsumma putiti chiuiri li situazioni ca ‘un su di vostru gradimentu. Accura, però, picchì ‘un si torna n’arria. “Ogni cani è liuni a la sò casa”. Addivirtitivi cu Arieti, Capricorna e Acquari e ni sti setti jorna ascutati “Amore mio”, na canzuni di Sfera Ebbasta.
Amuri 8; Travagghiu 9; Furtuna 9
Cancro
Cari li me Cancri, chi bedda simanata v’aspetta. Nto travagghiu e nt’amuri, tutti su pasti di meli e appappanu di la vostra ucca. Vuatru, però, vulissivu quarchidunu ca vota e si rivota, ca è scuetu. “Cu duna prima duna `ntimenza, cu duna doppu cu tutti li senza”. Addivirtitivi cu Tori, Gemelli e Scurpiuna e ni setti jorna ascutati “La rabbia non ti basta”, na canzuni di BigMama.
Amuri 9; Travagghiu 9; Furtuna 9
Leone
Liuna amurusi, sta simana aviti a esseri jucatura crasti, ma di chiddi seri. Picchì? Picchì vi lu ricinu li Stiddi ca virinu ca vi cummeni fari l’amurusi, li simpatucuna cu ccù vi vulissi fari nesciri sutta na luci laria. L’amuri, ringraziamu a Diu, camina ca è na meravigghia. “Chiddu chi fa p`i me denti nun fa p`inn mme parenti”. Addivirtitivi cu Bilancie, Scurpiuna e Sagittari e ni sti setti jorna ascutati “Ti muovi”, na canzuni di Diodato.
Amuri 8; Travagghiu 9; Furtuna 8
Vergine
Vergini beddi, sta simana aviti l’ùocchi a forma di cori: l’amuri o l’aviti o lu circati. Vi fissastivu accussì. Pi travagghiu, aviti a viaggiari assai, vi siddia, ma chista è la sunata. “Soccu ora si schifia veni lu tempu chi si addisia”. Addivirtitivi cu Tori, Liuna, Scurpiuna e Sagittari e ni sti setti jorna ascutati “Governo punk”, na canzuni di Bnkr44.
Amuri 10; Travagghiu 9; Furtuna 9
Bilancia
Bilancie di lu me cori, sta simana quarcunu v’alliscia tropp’assai. E’ veru oppuru è fausu? Vuatri tiniti l’uocchi aperti, e v’aiu dittu tuttu: chistu nto travagghiu, nt’amuri, ‘mmeci, siti vuatri a fari lu beddu e lu cattivu jocu. “Servu d`autru si fa cu dici lu sigretu chi sa”. Addivirtitivi cu Gemelli e Scurpiuna e ni sti setti jorna ascutati “Personale”, na canzuni di Geolier.
Amuri 8; Travagghiu 9; Furtuna 8
Scorpione
Scurpiuna beddi, sta simana aviti aviri carma e sangu friddu, comu canta na canzuni. Accussì facennu, vinciti sia nto travagghiu, sia nt’amuri. Lu sapemu ca siti tutti focu, ma ora servi l’acqua. “Vali cchiu’ un sceccu `ntirrugannu, ca un ancilu rispunnennu”. Addivirtitivi cu Tori, Gemelli, Cancri e Pisci e ni sti setti jorna ascutati “L’abbraccio”, na canzuni di Cosmo.
Amuri 8; Travagghiu 8; Furtuna 9
Sagittario
Sagittari chiacchiruna, sta simana siti troppu sinciruna, ma ci putissivu appizzari li pinni sia nto travagghiu, ca nt’amuri. Bedda matri, tutti cosi aviti a diri? Chiuiti sta ucca bedda, ascutati li Stiddi. “Assai vali e pocu costa a malu parlari bona risposta”. Addivirtitivi cu Arieti, Cancri, Liuna e Pisci e ni sti setti jorna ascutati “Silenzio”, na canzuni di Gianna Nannini.
Amuri 9; Travagghiu 9; Fortuna 9
Capricorno
Capricorna mia, sta simana aviti Marti ni l’Arieti. Chistu sta assignificari ca siti nirvuseddi e, polemos, lu pigghiu di lu grecu, picchì siti permalusi. Allura, nto travagghiu corna vasci; nt’amuri, ‘mmeci, corna troppu’ nturciunati, e chistu ‘un mi piaci. ‘Amuri e sangu ‘nta veni”. Addivirtitivi cu Arieti, Cancri, Liuna e Pisci e ni sti setti jorna ascutati “Veleno”, na canzuni di Tananai.
Amuri 9; Travagghiu 9; Furtuna 8
Acquario
Cari li me Acquari, sta simana aviti a fari na cosa sula: nenti. Siti stanchi e vi vuliti arripusari sia nto travagghiu, si putiti, arristati rintra na jurnatedda, sia nt’amuri picchì vi siddià di girari comu un pitollu. “A bona maritata arrassu da soggira a da cugnata ”. Addivirtitivi cu Cancri, Liuna e Pisci e ni sti setti jorna ascutati “Solo stanotte”, na canzuni di Holden, no chiddu picciutteddu.
Amuri 7; Travagghiu 9; Furtuna 10
Pesci
Pisci amurusi, sta simana ciaru d’amuri di tutti li lati. La stasciuni, pi vuatri, pari ca arrivà ora e pi stu motivu aviti na cardacia ca, nni stu sensu, unn’è na cosa tinta, ma troppu bedda. Lu travagghiu lu taliati, lu lassati e lu ripigghiati a menti serena. “A chi iùocu iùcamu!”. Addivirtitivi cu Arieti e Vergini, megghiu picca, ma boni, e ni sti setti jorna ascutati “Casa mia”, na canzuni di Ghali.
Amuri 10; Travagghiu 9; Furtuna 9
