Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle a cadenza settimanale, ogni venerdì, con la vostra Patti Fox.
Per ricevere una notifica quando esce un nuovo episodio, iscrivetevi al podcast “Li stiddi di Patti Fox”.
Ma cosa ricinu li stiddi sta simana? 1-7 Giugnu 2024
Ariete
Arieti di lu me cori, sta simana aviti ranni vuluntà e putissivu spaccari sia nt’amuri, ca nto travagghiu. Lu veru problema è la vòstra testa ca è cunfusa in mìenzu a tutta sta abbunnanza.“Cu fa carteddi, ‘ni fa lari e ‘ni fa beddi”. Addivirtitivi cu Tori, Liuna e Virgini e ni sti setti jorna ascutati “Senza fine”, na canzuni di Gino Paoli e Ornella Vanoni.
Amuri 7; Travagghiu 7; Furtuna 10
Toro
Tori beddi, chista è na simana furtunata picchì putiti accanusciri genti ca putissiru cuntari sia nto travagghiu ca nta li sentimenti. Cosa c’aspittati? ‘Un pirditi stu trenu, m’arraccumannu. “Diu fa l`abbunnanzia e li ricchi la caristia”. Addivirtitivi cu Gemelli, Bilancie e Sagittari e ni sti setti jorna ascutati “Nessun grado di separazione ”, na canzuni di di Francesca Michielin,
Amuri 7; Travagghiu 7; Furtuna 10
Gemelli
Gemelli mia, sta simana ricurdativi ca li journati di lu 30 e di lu 31 di Maiu ddi camurrusi di la Luna e Saturnu su tanticchia murritusi, ma prima e ddòppu, ‘mmeci, li cosi vannu pi li justu versu. Tinitivi stritti travagghiu e amuri. “Cilcilò lu pièiu è lu tò”. Addivirtitivi cu Liuna, Bilancie, Scurpiuna e Acquari e ni sti setti jorna ascutati “Tu che fai parte di me”, na canzuni di Pacifico cchiu Gianna Nannini.
Amuri 8; Travagghiu 8; Furtuna 7
Cancro
Cari li me Cancri, sta simana tantu beddu chiaru è l’amuri, quantu scuruseddu è lu travagghiu. ‘Un facitinni na tragedia picchì la vita è nta li vostri manu e putiti canciari, si aviti citiveddu, li cosi a vòstru piacimentu. “Doppu li Tri Re, alè alè alè”. Addivirtitivi cu Arieti, Torie Virgini e ni setti jorna ascutati “Pensiero stupendo”, na canzuni di Patty Pravo.
Amuri 10; Travagghiu 7; Furtuna 9
Leone
Liuna amurusi, sta simana aviti comu intimu amicu “Marte” e pi chistu motivu l’amuri curri, comu si fussi alli Olimpiadi, lu travagghiu rallenta picchì ‘un vi vuliti stancari assai.“Cu è figliu di gatta, surci piglia”. Addivirtitivi cu Cancri e Pisci e ni sti setti jorna ascutati “Spaccacuore”, na canzuni di Samuele Bersani.
Amuri 9; Travagghiu; Furtuna 8
Vergine
Vergini beddi, sta simana faciti jochi di focu picchì li Stiddi v’aiutano sia nto travagghiu, ca nt’amuri. Nzoccu faciti, arrinisciti. Prosita!“‘Ncapu lu re, c’è lu viceré ”. Addivirtitivi cuTori, Vergini e Bilancie e ni sti setti jorna ascutati “Tutto quello che un uomo” , na canzuni di Sergio Cammariere,
Amuri 10; Travagghiu 10; Furtuna 10
Bilancia
Bilancie di lu me cori, ni sta simana Giove trasì, senza addumannari permessu, e vuatri putiti spincirivi unni vuliti, macari addumannannu di partiri pi canciari aria. Sta decisioni vali tantu pi lu travagghiu, tantu pi l’amuri. “Quannu li surci caminanu, li favi su chjini”. Addivirtitivi cu Arieti, Cancri, Liuna e ni sti setti jorna ascutati “Zitti e buini,” na canzuni di li Maneskin,
Amuri 8; Travagghiu 8 ; Furtuna 8
Scorpione
Scurpiuna beddi, sta simana lassativi iri: vasati cu aviti nzemmula e nto travagghiu preparativi a beddi cosi. “Ci voli cipuddra pi arziari”. Addivirtitivi cu Tori e Sagittari e ni sti setti jorna ascutati “Azzurro”, na canzuni di Paolo Conte.
Amuri 7; Travagghiu 6; Furtuna 7
Sagittario
Cari li me Sagittari, ni sta simana vi sciarriati cu li parenti, ca certi voti su serpenti, e puru cu l’amuri di la vostra vita. Nto travagghiu, ‘mmeci, siti agnidduzzi. “Quartara rutta campa cent’anni”. Addivirtitivi cu Liuna, Bilancie e Capricorna e ni sti setti jorna ascutati “Mentre tutto scorre”, na canzuni di li Negramaro.
Amuri 6; Travagghiu 9; Fortuna 8
Capricorno
Capricorna mia, sta simana arrinisciti nzocc’a vuliti picchì siti armati di rannissima bona vuluntà. ‘Un sprecati troppa energia nto travagghiu, nenti nt’amuri, ca putissi stancarisi e salutarivi. “Visu a ‘rrisu e cori affisu”. Addivirtitivi cu Arieti, Liuna e Pisci e ni sti setti jorna ascutati “Passione”, na canzuni di Neffa.
Amuri 6; Travagghiu 9; Furtuna 8
Acquario
Cari li me Acquari, sta simana, era ura, n’amuri fattu di cumplicanzi addiventa na cosa semplici picchì sciuglistivu tutti li nodi. Nto trvagghiu faciti lu passu cchiu longu di la gamma, ma significa ca tutti ora sannu di chi pasta siti fatti. Continuati accussì. ”Avanti li me dienti ca li me parienti”. Addivirtitivi cu Tori, Cancri, Bilancie e Capricorna e ni sti setti jorna ascutati “Tutti i miei sbagli, na canzuni di li Subsonica.
Amuri 10; Travagghiu 9; Furtuna 10
Pesci
Pisci amurusi, sta simana siti tanticchiedda tristi e pinsati e arripinsati a quarcosa ca vi duna turmetu. Nisciti, addivirtitivi, e arripusati la menti. Nto travagghiu siti comu orologi svizzeri, precisi precisi. “Megghiu lu sceccu priatu ca lu sceccu a priari”. Addivirtitivi cu Arieti, Tori, Vergini e Acquari e ni sti setti jorna ascutati “Il sole esiste per tutti”, na canzuni di Tiziano Ferro.
Amuri 7; Travagghiu 10; Furtuna 8
