Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle a cadenza settimanale, ogni venerdì, con la vostra Patti Fox.
Per ricevere una notifica quando esce un nuovo episodio, iscrivetevi al podcast “Li stiddi di Patti Fox”.
Ma cosa ricinu li stiddi sta simana? 15-21 Giugnu 2024
Ariete
Arieti di lu me cori, sta simana, rispetto a chidda passata, siti sduvacati, simpaticuna, diciti, macari, barzilletti e, quinni, ci su acchiappanzi sentimentali. Nto travagghiu, ‘mmeci, vi vulissivi u cuntrariu, cchiu svegghiareddi e spirtuliddi. “Ni sta vita ‘un c’è mai tranquillità, ma sempri pinsera a vuluntà”. Addivirtitivi cu Tori e Scurpiuna e ni sti setti jorna ascutati “Malavita”, na canzuni di li Coma Cose.
Amuri 10; Travagghiu 7; Furtuna 10
Toro
Tori beddi, sta simana li Stiddi di Patti Fox vi caminanu vicinu vicinu. Aduncu, siti furtinati sia nt’amuri, sia nto travagghiu. Unicu cunsigghiu è chiddu di pinzari e cuntari finu a centu prima di pigghiari decisioni. “Quannu c’è fami, a farinata pari salami”. Addivirtitivi cu Cancri e Pisci e ni sti setti jorna ascutati “Paprika ”, na canzuni di Ghali.
Amuri 10; Travagghiu 9; Furtuna 9
Gemelli
Gemelli mia, sta simana tuttu camina comu n’orologiu svizzeru. Unni vi vutati siti furtunati. Lu me cunsigghiu è chiddu di tèniri l’occhi aperti e non a pampinedda. “Ogni ‘mpidimentu è giuvamentu”. Addivirtitivi cu Gemelli e Liuna e ni sti setti jorna ascutati “Luna piena”, na canzuni di li Negramaro.
Amuri 10; Travagghiu 9; Furtuna 9
Cancro
Cari li me Cancri, comu la simana passata, puru chista vi voli fari riali e, quinni, l’amuri è supra, ma supra a tutti li cosi: ‘mmaginativi d’esseri ‘n capu a lu Mongibeddu; lu travagghiu vi viri nta piana di Catania. Megghiu d’accussì ‘un putissi essiri. “Ci rissi u parrocu a la batissa, senza dinari ‘un si canta missa”. Addivirtitivi cu Vergini e Bilancie e ni setti jorna ascutati “Femme fatale”, na canzuni di Emma.
Amuri 10; Travagghiu 9; Furtuna 10
Leone
Liuna amurusi, sta simana quarchi camurria l’aviti nto travagghiu, ma nenti scantu, basta ca la studiati e l’affruntati; nt’amuri ’un viriti cu avissivu a viriri. Mittitivi l’occhiali di la spirtizza, amunì. ”Scupa nova fa scrusciu”. Addivirtitivi cu Arieti, Tori e Cancri e ni sti setti jorna ascutati “Poké melodramma”, na canzuni di Angelina Mango.
Amuri 9; Travagghiu 8; Furtuna 9
Vergine
Vergini sapuriti chi bedda simanata v’aspetta. Lu me cunsigghiu è d’avìri firucia ni l’atri e in vuatri. Travagghiu e amuri, cu sta ‘niziuni di stima, vannu ca è na biddizza. “‘Lu cuntu di lu scarsu, ‘un arrinesci mai”. Addivirtitivi cu Tori, Capricorna e Acquari e ni sti setti jorna ascutati “Storie brevi” , na canzuni di Ananlisa e Tananai.
Amuri 9; Travagghiu 9; Furtuna 8
Bilancia
Bilancie di lu me cori, sta simana aviti a puntari li peri, picchi li così putissiri iri megghiu. Nto travagghiu li parrati hannu a divintari quarcosa di scrittu (verba volant, scripta manent). L’amuri è nuiuseddu, datici na svigghiata. “’Un diri a lu to amicu quantu sai, pensa si un jornu pi nimicu l’hai”. Addivirtitivi cu Scurpiuna e Sagittari e ni sti setti jorna ascutati “Filo spinato”, na canzuni di Gianna Nannini.
Amuri 10; Travagghiu 9 ; Furtuna 9
Scorpione
Scurpiuna beddi, jornu 17 vi trasinu Mercurio e Veniri, na coppia troppu bedda ca vi duna ranni suddisfazioni nto travagghiu. Essennuci Veniri, l’amuri comu putissi esseri? Troppu, ma troppu duci. Lu me scantu è ca vuatri vuliti autru. “Quannu li testi sunnu vacanti, ‘un ci ponnu ne prufissura e mancu li Santi”. Addivirtitivi cu Gemelli, Liuna e Pisci e ni sti setti jorna ascutati “Non ho bisogno di te”, na canzuni di Noemi.
Amuri 9; Travagghiu 9; Furtuna 8
Sagittario
Cari li me Sagittari, chi bedda simanata v’aspetta. ‘Un capisciu picchì cu stu celu e cu sti stiddi contiunati a esseri rudusi sia nto travagghiu, ca nt’amuri. Dativi na regulata. “Canciani li sunaturi, ma la musica è sempri la stissa”. Addivirtitivi cu Arieti e Scurpiuna e ni sti setti jorna ascutati “Black Nirvana”, na canzuni di Elodie.
Amuri 8; Travagghiu 8; Fortuna 8
Capricorno
Capricorna mia, sta simana ‘un ci trasi nenti cu chidda passata, ca era scarsulidda. Chista è sapurita, ma vuatri continuati a essiri nirbusi e grevi, supratuttu nt’amuri. Chi Santi chiddi ca vi assupportanu.“Cu n’havi sordi sempri canta; cu n’havi assai sempri cunta”. Addivirtitivi cu Arieti e Bilancie e ni sti setti jorna ascutati “Karma”, na canzuni di The Colors.
Amuri 9; Travagghiu 9; Furtuna 9
Acquario
Cari li me Acquari, sta simana mi dati quarchi preoccupazioni. Chiddu ca viru ia è na situazioni, sia nto travagghiu, sia nt’amuri, speciali; ma chiddu ca viriti vuatri, ‘mmeci, è na tragedia. Pinzatici e ‘un faciti pazzii. ”Lu matrimoniu dura na vita siddu aviti na pacienzia ‘nfinita”. Addivirtitivi cu Tori e Gemelli e ni sti setti jorna ascutati “Stai attenta”, na canzuni di li Negramaro.
Amuri 9; Travagghiu 8; Furtuna 8
Pesci
Pisci amurusi, sta simana l’amuri è sempri cchiu nall’aria, a partìri di sabatu. Ranni cosi si stannu muvennu. Nto travagghiu, ranni tarnquillità. “Cu avi niputi e figli, ‘un si po’ fari di l’autri meravigghi”. Addivirtitivi cu Ariete, Gemelli, Cancri, Sagittari e Acquari, mizzica e quantu su, e ni sti setti jorna ascutati “Love U/ Hate U”, na canzuni di Boomdabash.
Amuri 10; Travagghiu 8; Furtuna 9
