Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle a cadenza settimanale, ogni sabato, con la vostra Patti Fox.
Per ricevere una notifica quando esce un nuovo episodio, iscrivetevi al podcast “Li stiddi di Patti Fox”.
Ma cosa ricinu li stiddi sta simana? 20- 26 Lugliu 2024
Ariete
Cari Arieti, sta simana aviti tantia prescia e, quinni, ‘un è lu tempu d’annacàrisi né nto travagghiu, né nt’amuri. “La vita è comu la biddizza, tantu duci quantu amara”. Addivirtitivi cu Gemelli, Cancri e Liuna e ni sti sette jorna ascutati “L’ultimo bacio”, na canzuni di Carmen Consoli.
Amuri 7; Travagghiu 7; Furtuna 8
Toro
Tori beddi, sta simana siti cuntenti di lu travagghiu e parissi ca v’addrumàru d’amuri. “L’acqua si nni va ‘nta la pinnenza, l’amuri si nni va unni c’è spiranza”. Addivirtitivi cu Arieti, Scurpiuna e Capricorna e ni sti sette jorna ascutati “Eppure mi hai cambiato la vita”, na canzuni di Fabrizio Moro.
Amuri 9; Travagghiu 9; Furtuna 9
Gemelli
Gemelli mia, sta simana siti tanticchiedda camurrusi. Vi lu putiti permettiri sulu nt’amuri, picchì lu travagghiu ‘un voli sentiri ragiuni. “Sulità, santità, pani picca e libertà”. Addivirtitivi cu Bilancie e Scurpiuna e ni sti setti jorna ascutati “Sentimento Nuevo”, na canzuni di Franco Battiato.
Amuri 6; Travagghiu 8; Furtuna 8
Cancro
Cari li me Cancri, sta simana è la vota bona ca canusciti chiddi ca cuntanu nto travagghiu e ca putissiru cuntari nt’amuri. “Quànnu amuri tuppulìa nun lu lassàri ‘n mezzu la via”. Addivirtitivi cu Virgini, Scurpiuna e Pisci e ni sti setti jorna ascutati “Oroscopo”, na canzuni di Calcutta.
Amuri 10; Travagghiu 10; Furtuna 10
Leone
Liuna mia, sta simana attuppativi l’aricchi, picchì c’è quarchedunu ca parra assai senza mancu canuscirivi. Chistu nto travagghiu. L’amuri è cchiu timuni ca vela, ma dipenni di vuatri. “Fàri vìriri di chi erva è fatta la scupa”. Addivirtitivi cu Tori e Vergini e ni sti setti jorna ascutati “Basta così”, na canzuni di li Negramaro.
Amuri 7; Travagghiu 7; Furtuna 7
Vergine
Vergini beddi, sta simana arripusativi l’ossa picchì pariti sfatticeddi. Travagghiati picca e amati chiossà. “Amuri è dintra e nun vi n’addunati; lu vuliti cacciari e nun putiti”. Addivirtitivi cu Arieti e Scurpiuna e ni sti setti jorna ascutati “Torna a casa”, na canzuni di li Måneskin.
Amuri 8; Travagghiu 8; Furtuna 9
Bilancia
Bilancie di lu me cori, sta simana è bunaredda, ma vuatri ‘un siti mai cuntenti. Gudutivi la vita quann’è bona, saziativi d’amuri e puru di travagghiu. “Megghiu picca a godiri ch’assai a pàtiri”. Addivirtitivi cu Tori, Liuna, Acquari e ni sti setti jorna ascutati “Aida”, na canzuni di Rino Gaetano.
Amuri 8; Travagghiu 8 ; Furtuna 10
Scorpione
Scurpiuna nirvuseddi, sta simana aviti spinnu di canciamenti ‘un sulu nto travagghiu, ma puru nt’amuri . Pinzatici prima di scunsari boni carti. “A prima vasata è arrubbata, a sicunna è arrigalata”. Addivirtitivi cu Bilancie, Sagittari e Capricorna e ni sti setti jorna ascutati “Ogni volta” na canzuni di Vasco Rossi.
Amuri 6; Travagghiu 7; Furtuna 7
Sagittario
Cari li me Sagittari, sta simana siti duci e pacinziusi nt’amuri, ma nto travagghiu, mmeci, amari comu lu feli. “Tuttu lu gran sirenu di lu mari ‘na vampidda d’amuri nun pò astutari”. Addivirtitivi cu Cancri, Liuna, Acquari e ni sti setti jorna ascutati “Vedrai Vedrai”, na canzuni di Luigi Tenco.
Amuri 10; Travagghiu 7; Fortuna 8
Capricorno
Capricorna mia, sta simana li stiddi ‘un li viriti, ma li faciti viriri. Canciati modu di fari e capaci ca spuntanu arreri. “Cu rici ‘un sacciu si leva ru ‘mpaccio”. Addivirtitivi cu Arieti e Gemelli e ni sti setti jorna ascutati “Dammi solo un minuto”, na canzuni di li Gemelli Diversi.
Amuri 6; Travagghiu 6; Furtuna 6
Acquario
Cari li me Acquari, sta simana siti cori, suli e amuri, cumu cantava na canzuni. Lu travagghiu ci fussi, ma mancu lu pinzati. Accura, si vuliti farivi li ferii. “Ogni figateddu ri musca è sustanza”. Addivirtitivi cu Gemelli, Cancri e Pisci e ni sti setti jorna ascutati “Memo”, na canzuni di Levante.
Amuri 10; Travagghiu 6; Furtuna 7
Pesci
Pisci amurusi, sta simana chi beddi iurnate v’aspettanu. Vuliti l’amuri e l’aviti, vuliti canciari travagghiu e vi l’offrunu, vuliti manteniri chiddu ca aviti e vi runanu na midagghia. ‘Nzumma, aviti lu papacchiu nta sacchetta. “Acqua passata nun macina mulinu”. Addivirtitivi cu Arieti, Vergini, Scurpiuna e Capricorna e ni sti setti jorna ascutati “A Canzuncella”, na canzuni cantata di Olivia Sellerio.
Amuri 10; Travagghiu 10; Furtuna 10
