Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle con la vostra Patti Fox. Vi auguriamo una gioiosa estate, tutta da 10. Potete ascoltare questo episodio iscrivendovi al podcast “Li Stiddi di Patti Fox”.
Il prossimo appuntamento col vostro Oroscopo in Siciliano è per sabato 21 settembre 2024, nel giorno dell’equinozio d’autunno.
Ma cosa ricinu li stiddi pi la bedda stasciuni?
Ariete
Arieti di lu me cori, v’aspetta na stasciuni di ranni divertimentu e nuvità. Si vuliti canciari travagghiu chista è l’ura. L’amuri è passiuni ca avvampa. “Staciùni e ‘mmernu nun lassàri ‘u mantèllu”. Cunsigghiu di lettura: “L’Estate del ‘78“ di Roberto Alajmo e comu canzuni “Città vuota” di Mina.
Amuri 10; Travagghiu 10; Furtuna 10
Toro
Tori beddi, cu la stasciuni arrivanu picciuli a tinchitè e amuri a quantegghiè. “Munnu ha statu e munnu è”. Cunsigghiu di lettura: “Romanzo tascio – erotico siciliano” di Giankarim De Caro e comu canzuni “America” di Gianna Nannini.
Amuri 10; Travagghiu 10; Furtuna 10
Gemelli
Gemelli mia, sta stasciuni è comu si nascistivu arreri, Aviti tanti idee ca vi furrianu nta testa e li farfalli nta lu stomacu. “Cu’ d’avanti ti pici, d’arreri ti tinci ”. Cunsigghiu di lettura: “ I Leoni di Sicilia” di Stefania Auci e comu canzuni “Durare” di Laura Pausini.
Amuri 10; Travagghiu 10; Furtuna 10
Cancro
Cari li me Cancri, la stasciuni tutti li pinzera si porta. Li vacanzi su di scialarisi, puru si lu travagghiu di tantu ‘ntantu è prisenti. L’amuri avissi a pigghiari l’Oscar. “’Un si porghi a vucca a lu primu ch’arrispunni”. Cunsigghiu di Lettura: “ L’amore a due passi” di Catena Fiorello e comu canzuni “Una vespa in 2” di Fiorello cu Orietta Berti.
Amuri 7; Travagghiu 10; Furtuna 9
Leone
Liuna appassiunati, la stasciuni vi viri spurmintari nto travagghiu cu progetti ca nescinu di lu cassettu e nt’amuri cu cuniscenzi vecchi e novi. “A vita è comu na funtana, semu tutti arrichiti di cca e di dda”. Cunsigghiu di lettura: “L’ultimo presagio. Una nuova indagine dei fratelli Corsaro” di Salvo Toscano e comu canzuni “Stranizza d’amuri” di Franco Battiato.
Amuri 10; Travagghiu 10; Furtuna 10
Vergine
Vergini beddi, sta stasciuni ‘nsirtati la iusta marcia sia nto travagghiu, ca vi viri sprint, sia nt’amuri, troppu ‘nnamurati. “Cosi cuntati, criditini mità, si menu criditi, megghiu faciti”. Cunsigghiu di lettura: “Bonjour Casimiro. Il Barone e la villa fatata” di Alberto Samonà e comu canzuni “Il Vento caldo dell’Estate” di Alice.
Amuri 10; Travagghiu 10; Furtuna 10
Bilancia
Bilancie di lu me cori, ni la bedda stasciuni vuliti fari ‘spirienzi, ittarivi senza scantu ni li nuvità sia di lu travagghiu ca di l’amuri. “Megghiu cummattiri cu un n briganti e ca cu un ignuranti”. Cunsigghiu di lettura: “Cinque vite. Racconti inediti dei familiari della scorta di Paolo Borsellino” di Mari Albanese e comu canzuni ”Siamo Capaci” di Roy Paci, Giuseppe Anastasi e C.I.A.T.U (Collettivo Indipendente Artisti della Trinacria Uniti)
Amuri 10; Travagghiu 10 ; Furtuna 10
Scorpione
Scurpiuna beddi, chista è la stasciuni di la libberaziuni. Si un travagghiu oppuru un amuri vi stancà, abbannunati la vecchia pi la nova via. Faciti la cosa iusta. “U tempu e a spirienza fannu nasciri a prurienza”. Cunsigghiu di lettura: “Lena e la Tempesta” di Alessia Gazzola e comu canzuni “L’abitudine di tornare” di Carmen Consoli.
Amuri 10; Travagghiu 10; Furtuna 10
Sagittario
Cari li me Sagittari, st’estati ‘un faciti fuochi d’artificiu picchì siti in pausa di riflessioni sia nto travagghiu sia nt’amuri. La situazioni si pò sbrugghiari si lu vuliti. “Amuri, biddizzi e dinari sunu tri cosi ca nun si ponu ammucciari”. Cunsigghiu di lettura: “La miscela segreta di casa Olivares” di Giuseppina Torregrossa e comu canzuni “Malamuri” di Olivia Sellerio.
Amuri 10; Travagghiu 10; Fortuna 10
Capricorno
Capricorna mia, chista è la stasciuni di la passiuni d’amuri e, puru, chidda di lu travagghiu. Però aviti a capiri a quali dari cchiu ‘mpurtanza. “A facci ca ‘un è vista, è disiata”. Cunsigghiu di lettura: “A Salina il vento cambia” di Raffaella Catalano e Giacomo Cacciatore e comu canzuni “Vento d’estate” di Max Gazzè.
Amuri 10; Travagghiu 10; Furtuna 10
Acquario
Cari li me Acquari, st’estati putiti puru decidiri di chiuiri na storia picchì pirdistivu la testa pi quarcunu o pigghiarivi na pausa du travagghiu. “C’unn’è gilusu unn’è amanti”. Cunsigghiu di lettura: “Dizionario sentimentale della parlata siciliana” di Gaetano Basile e comu canzuni “Ciao per sempre” di Levante.
Amuri 10; Travagghiu 10; Furtuna 10
Pesci
Pisci
amurusi, sta stasciuni l’amuri vi virissi prutagonisti, ma vuatri siti tanticchiedda disamurati e ‘un ci criditi cchiu. Lu destinu è destinu. Lu travagghiu vi runa tranquillità. “Iunciti cu li megghiu e facci a spisa pà via”. Cunsigghiu di lettura: “Virdimura” di Simona Lo Iacono e comu canzuni “Abbi cura di me” di Simone Cristicchi.
Amuri 10; Travagghiu 10; Furtuna 10
