Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle a cadenza settimanale, ogni sabato, con la vostra Patti Fox.
Per ricevere una notifica quando esce un nuovo episodio, iscrivetevi al podcast “Li stiddi di Patti Fox”.
Ma cosa ricinu li stiddi sta simana? 6- 12 Lugliu 2024
Ariete
Arieti di lu me cori, sta simana, siti cuntenti comu na Pasqua, arriditi di cori, cunsulati a chiddi tanticchiedda malammurati e dati cunsigghi puru a cu ‘un vi l’addumanna. ‘Nzumma, siti na fòrza stia nto travagghiu, ca nt’amuri. “A omu bbonu, ‘un ci manca spadda”. Addivirtitivi cu Liuna e Scurpiuna e ni sti setti jorna ascutati “Ragazza magica”, na canzuni di Jovanotti.
Amuri 10; Travagghiu 10; Furtuna 10
Toro
Tori beddi, cu sta simana arriva lu tempu di chiarìri li cosi ca su trùbbuli sia nto travagghiu e sia nt’amuri. V’arraccumannu d’ascutari, avanti di parràri, picchì puru l’autri ponnu aviri raggiuni.
“Beatu cui pi autru si castiga ”. Addivirtitivi cu Cancri, Acquari e Pisci e ni sti setti jorna ascutati “La prima cosa bella”, cantata di Malika Ayane.
Amuri 7; Travagghiu 7; Furtuna 8
Gemelli
Gemelli mia, sta simana aviti tanti di chiddi beddi pinzati ca addìttati liggi in primisi nto travagghiu e in secundisi nt’amuri. Accura, però, mittiticci na signa e ‘un la passati. “Cu’ d’avanti ti pici, d’arreri ti tinci ”. Addivirtitivi cu Scurpiuna, Capricorna e Pisci e ni sti setti jorna ascutati “Ancora”, na canzuni di Edoardo De Crescenzo.
Amuri 9; Travagghiu 10; Furtuna 10
Cancro
Cari li me Cancri, sta simana Mercurio trasi in Liuni e, quinni, e vi duna chiddu ca ‘un aviti sempri, azzoè sensu praticu ca vi fa sbrugghiari puru li situazioni cchiu ‘ngarbugghiati. Lu travagghiu va ca è na meravigghia, l’amuri vulissi cchiu ducizza. “Genti assai, ma omini picca ”. Addivirtitivi cu Arieti, Bilancie, Sagittari e Pisci e ni setti jorna ascutati “Sei nell’anima”, na canzuni di Gianna Nannini.
Amuri 7; Travagghiu 10; Furtuna 9
Leone
Liuna rudusi, sta simana, aviti ‘un diavulu pi capiddu e arrispunniti a tutti a la sanfasò, lassannuli cu la ucca aperta. Oravà, è ura di fari chiarizza e fari capiri sia nto travagghiu, ca nt’amuri ca stu mumentu avi a passari. Ci voli pacienzia. ”L’acqua tantu ausa in autu, quantu cala”. Addivirtitivi cu Tori, Vergini e Pisci e ni sti setti jorna ascutati “Prendila così”, na canzuni di Lucio Battisti.
Amuri 6; Travagghiu 6; Furtuna 6
Vergine
Vergini beddi, sta simana Marti è nto Toru e vuatri putiti fari e sfari chiddu ca vuliti, basta ca ‘un aviti fricamentu e faciti un passu doppu l’autru. Lu travagghiu è sfiziusu, ma l’amuri è dubbiusu. “L’onuri chi si perdi ‘ntra un minutu, ‘ntra cent’anni nun è ricumpinzatu”. Addivirtitivi cu Arieti e Tori e ni sti setti jorna ascutati “Fuoco nel fuoco” , na canzuni di Eros Ramazzotti.
Amuri 7; Travagghiu 10; Furtuna 9
Bilancia
Bilancie di lu me cori, sta simana, v’arracumannu di studiari, prepararivi, picchì c’è quarcunu ca ‘un aspetta autru ca un vòstru passu fausu. Chistu pi quantu riguarda lu travagghiu, pi l’amuri, ‘mmeci, rosi e ciuri. “Lu Cuscinu è un gran cunsiggheri ”. Addivirtitivi cu Tori e Scurpuna e ni sti setti jorna ascutati “Almeno tu nell’universo,” na canzuni di li Mia Martini.
Amuri 10; Travagghiu 6 ; Furtuna 9
Scorpione
Scurpiuna beddi, sta simana siti lagnusi, ‘un vulissivu fari nenti e viriri a nuddu. Sta cosa, però, lu sapiti puri vuatri, ca ‘un si po’ fari. Quinni, arripigghiativi e faciti lu strittu necessariu nto travagghiu e lu massimu nt’amuri, ca teni p’un filu. “Ogni vurpi porta amuri a la so tana”. Addivirtitivi cu Scurpiuna e Acquari e ni sti setti jorna ascutati “Io non lascio traccia”, na canzuni di Negramaro.
Amuri 7; Travagghiu 8; Furtuna 7
Sagittario
Cari li me Sagittari, sta simana pariti autri cristiani tantu siti pacifici e arrilassati. Nto travagghiu pigghiastivu la posa d’un guru e nt’amuri prufissati amuri eternu. “Zuccaru nun guasta bevanda ”. Addivirtitivi cu Arieti, Liuna e Acquari e ni sti setti jorna ascutati “Amore bello”, na canzuni di Claudio Baglioni.
Amuri 10; Travagghiu 9; Fortuna 9
Capricorno
Capricorna mia, sta simana vuliti fari troppi cosi e, quinni, ‘un strinciti nenti. Lu me cunsigghiu è di fari menu pi fari bbonu. Lu travagghiu vi rici di carmarivi e l’amuri vi runa emuziuna. “Cu ccu‘ a lu cori parra ‘u cori”. Addivirtitivi cu Cancri, Liuna, Scurpiuna e Pisci e ni sti setti jorna ascutati “Senza fine”, canzuni di Ornella Vanoni.
Amuri 9; Travagghiu 6; Furtuna 7
Acquario
Cari li me Acquari, sta simana siti pigghiati di bona vuluntà: vuliti esseri cchiu beddi di sempri e, quinni, faciti sport e manciati, puru, sanu. Lu faciti picchì vi piaci quarchedunu o pi vuatri stissi? Lu travagghiu duna suddisfazziuna. ”Cu beddu voli pariri milli peni avi a suffriri”. Addivirtitivi cu tutti li signi, stranu, ma veru, e ni sti setti jorna ascutati “Ma il cielo è sempre più blu”, na canzuni di Rino Gaetano.
Amuri 10; Travagghiu 10; Furtuna 10
Pesci
Pisci amurusi, sta simana l’amuri è na sciurera, ma aviti a deciriri quali scegliri; lu travagghiu è na pianta carnivura ca vuatri tiniti a distanza di sicurizza. “Bisogna masticari feli si doppu vua agghiuttiri lu meli.” Addivirtitivi cu Arieti, Tori e Vergini e ni sti setti jorna ascutati “Sogna, ragazzo, sogna”, na canzuni di Alfa e Roberto Vecchioni.
Amuri 10; Travagghiu 7; Furtuna 9