Dalla Redazione de ilSicilia.it, questo è Li stiddi di Patti Fox, il nostro oroscopo, rigorosamente, in lingua siciliana. L’appuntamento con le stelle a cadenza settimanale, ogni sabato, con la vostra Patti Fox.
Per ricevere una notifica quando esce un nuovo episodio, iscrivetevi al podcast “Li stiddi di Patti Fox”.
Ma cosa ricinu li stiddi sta simana? 13- 19 Lugliu 2024
Ariete
Arieti di lu me cori, sta simana tutti li pinzati su pi l’amuri e nto travagghiu aviti la testa all’aria. ‘Un dicu assai, ma circati tanticchiedda di mettirici un frenu, si vuliti manteniri chiddu chi faciti. “Si vô’ passari vita cuntenti, statti luntanu di li tò parenti”. Addivirtitivi cu Cancri e Pisci e ni sti setti jorna ascutati “Io che amo solo te”, cantata di Chiara Civello.
Amuri 10; Travagghiu 6; Furtuna 7
Toro
Tori beddi, sta simana vi sintiti arrivati, sia nto travagghiu, ca nt’amuri, e v’atteggiati comu si fussivu la putenza di li putenze. Accura picchì a cariri ci putiti mettiti nenti. “Cui ‘un havi spirienza, ‘un havi scienza.”. Addivirtitivi cu Cancri, Vergini, Scurpiuna e Capricorna e ni sti setti jorna ascutati “Quale idea”, cantata di Pino D’Angiò.
Amuri 6; Travagghiu 6; Furtuna 7
Gemelli
Gemelli mia, sta simana aviti na nasca ca pariti un cani pi tartufi e addimmizzati la strata ca aviti a fari sia nto travagghiu ca nt’amuri. Prosita pi daveru. “Vidi Palermu e gori, vidi Napuli e, pua, muori.” Addivirtitivi cu Liuna, Bilancie e Capricorna e ni sti setti jorna ascutati “Amor mio”, na canzuni di Mina.
Amuri 10; Travagghiu 10; Furtuna 10
Cancro
Cari li me Cancri, sta simana tutti li pianeti v’accumpagnanu e ‘un avemu finuto picchì Veniri l’11 di lugliu trasi nto Liuni e l’amuri, puru chiddu ca dura di na vita, è cchiu appassiunati chi mai. “Nun mèttiri l’isca vicinu lu focu”. Addivirtitivi cu Scurpiuna e Acquari e ni setti jorna ascutati “Tango”, na canzuni di Tananai.
Amuri 10; Travagghiu 10; Furtuna 10
Leone
Liuna amurusi, sta simana, avescia cuminciati a nesciri, a canusciri genti nova e, macari, ci scappa puru n’amureddu, ca putissi addivintari na cosa seria. Nto travagghiu siti un vurcanu di idee, carmativi n’abbastanu l’Etna e Lu Stromboli, paccamora. ”Lu cafè santiannu e lu cicculati ripusannu”. Addivirtitivi cu Tori, Acquari e Pisci e ni sti setti jorna ascutati “Solo una volta”, na canzuni di Alex Britti.
Amuri 10; Travagghiu 8; Furtuna 8
Vergine
Vergini beddi, sta simana ci su ddi cosi tinti di Giovi e Saturnu ca vi vonnu fari fari passi fausi. ‘Un l’ascutati picchì vi portanu a la mala strata. Pinzati, ‘mmeci all’amuri, ca vi duna sulu gioie. “Di l’opira si cunusci lu mastru”. Addivirtitivi Cancri, Vergini e Sagittari e ni sti setti jorna ascutati “Bellissimissima”, na canzuni di Alfa.
Amuri 8; Travagghiu 7; Furtuna 7
Bilancia
Bilancie di lu me cori, sta simana aviti la strata spianata picchì piaciti a li pianeti. Quinni, nuddu e nenti vi pò firmari sia nto travagghiu, ca nt’amuri. “Figghia di gatta, si nun mùzzica, gratta”. Addivirtitivi cu Arieti, Tori, Gemelli, Liuna e Scurpuna e ni sti setti jorna ascutati “E…” na canzuni di Vasco Rossi.
Amuri 10; Travagghiu 10 ; Furtuna 10
Scorpione
Scurpiuna beddi, sta simana siti ‘ncuitati di Mercuriu e Marti, ma vuatri aviti a ghiri dritti pi la via: faciti finta ca ‘un ci su. Faciti li ruffiani nto travagghiu e li sinceri nt’amuri. “Li vecchi s’hannu a rispittari”. Addivirtitivi cu Arieti, Liuna, Sagittari e Pisci e ni sti setti jorna ascutati “Una finestra tra le stelle”, na canzuni di Annalisa.
Amuri 7; Travagghiu 7; Furtuna 9
Sagittario
Cari li me Sagittari, sta simana circati di stari cchiu ca putiti fora di casa picchì tutti vi rumpunu li sacchetti, p’un diri autru. A travagghiari ‘un putiti mancari, però, putiti stari luntanu di li discussioni, la stessa cosa vali pi l’amuri. Addivirtitivi cu Cancri e e Bilancie ni sti setti jorna ascutati “Nun me rompe er cà”, di Gigi Proietti, poesia pi l’aricchi di cu è siddiatu.
Amuri 7; Travagghiu 6; Fortuna 7
Capricorno
Capricorna di lu munnu ‘nteru, sta simana cu Saturnu e Uranu sempri pi cumpagni di prucissioni, ‘un putissi iri megghiu. L’amuri, ‘mmeci, vi scappa, vi sfurzati d’acchiappallu, ma ‘un è cosa. Ci facistivu quarchi tortu? “Comu mi canti ti sonu”. Addivirtitivi cu Gemelli, Liuna, Sagittari e Scurpiuna e ni sti setti jorna ascutati “Per due come noi”, canzuni di Brunori Sas.
Amuri 6; Travagghiu 9; Furtuna 7
Acquario
Cari li me Acquari, sta simana vulissivu essiri psicologi e trasiri ni la menti di tutti. U film “The mentalist” gia c’è e, quinni, vi tocca capiri vuatri stissi prima di l’autri. Chistu sia nto travagghiu, ca nt’amuri. ”Cu tempu aspetta, tempu perdi”. Addivirtitivi cu li Tori, ‘un sulu signu, capiti a mia e ni sti setti jorna ascutati “Non è per sempre”, na canzuni di li Afterhours.
Amuri 6; Travagghiu 6; Furtuna 6
Pesci
Pisci amurusi, pi sta simana l’amuri è nta prima pusiziuni: ci cercanu, vi vonnu, vuatri circati, pua vi siddia, ma ci su autri ca accumincianu a circarivi. ‘Nzumma, ni li sentimenti ‘un v’annuiati. Pinzati, però, puru a lu travagghiu ca è trascurateddu.”Megghiu s’insigna cu lu fari ca cu lu diri“. Addivirtitivi cu Tori, Cancri, Liuna e Capricorna e ni sti setti jorna ascutati “Non ti dico no”, na canzuni di Loredana Bertè e Boomdabash.
Amuri 9; Travagghiu 7; Furtuna 10
